SHFK 22 NËNTORI

Në ambientet e shkollës sonë SHFK “22 Nëntori” u zhvillua sot me shumë sukses manifestimi “Science on Stage”, në kuadër të muajit të shkencës. Ky aktivitet kishte për qëllim të promovojë dashurinë për shkencën, kreativitetin dhe mendimin kërkimor tek nxënësit.

Në manifestim morën pjesë edhe disa shkolla të tjera nga rajoni, si:

SHFK “Imri Elezi” – Shkup
SHFK “Hasan Prishtina” – Shkup
SHFK “Andon Zako Çajupi” – Hotël
SHFK “Abdyl Frashëri” – Haraçinë

Nxënësit e këtyre shkollave prezantuan eksperimente interesante, projekte teknologjike dhe punime kreative shkencore, duke dëshmuar njohuritë e tyre dhe bashkëpunimin ndërshkollor. Atmosfera ishte e mbushur me energji, entuziazëm dhe frymë kërkimore.

Falënderojmë të gjitha shkollat pjesëmarrëse, mësimdhënësit dhe nxënësit për kontributin e tyre të çmuar që e bënë këtë ditë një festë të vërtetë të shkencës.

Me respekt,