SHFK 22 NËNTORI

Nxënësit e SHFK “22 Nëntori” prezantojnë hulumtime për riciklimin e vajrave motorik!
Aktivitet edukativ në bashkëpunim me kompaninë Eko Fluid!
Shkup, maj 2026
Në SHFK “22 Nëntori” në Komunën Gazi Babë – Shkup, u realizua një aktivitet edukativ ku nxënësit prezantuan hulumtimet e tyre mbi rëndësinë e riciklimit të vajrave motorik. Përmes këtij aktiviteti, nxënësit dëshmuan përkushtim, kreativitet dhe vetëdije të lartë për mbrojtjen e mjedisit.
Aktiviteti u zhvillua në prani të drejtorit të kompanisë Eko Fluid, z. Besnik Ademi, i cili vlerësoi angazhimin e nxënësve dhe rëndësinë e temës së trajtuar. Në shenjë mbështetjeje dhe motivimi, ai ndau certifikata dhe dhurata për nxënësit pjesëmarrës.
Ky aktivitet është pjesë e përpjekjeve të vazhdueshme të shkollës për të promovuar edukimin mjedisor dhe për të ndërtuar një kulturë të përgjegjshme ndaj natyrës tek gjeneratat e reja.