Прошетка низ светот во ООУ „22 Ноември“

29 Сеп2026

По повод Меѓународниот ден на туризмот, денес во ООУ „22 Ноември“ беше реализирана посебна и едукативна активност со учениците, насловена „Прошетка низ светот“.

Преку едно симболично патување низ континентите, учениците имаа можност поблиску да се запознаат со културата, традициите, историјата, носиите и особеностите на различни земји од светот.

Во рамките на активноста беа претставени Италија, Турција, Белгија, Германија, Мексико, Египет, Албанија, Саудиска Арабија и Јапонија. Секоја презентација донесе посебни бои и елементи од културата на избраната земја, создавајќи атмосфера исполнета со културна разновидност.

Активноста се одвиваше во весела и креативна атмосфера, овозможувајќи им на учениците преку искуство, соработка и презентација да научат дека туризмот е можност за откривање на светот, запознавање со различни култури и градење почит кон различностите.

🌎 Од Италија до Јапонија, од Европа до Азија, Африка и Америка – денес светот им стана поблизок на нашите ученици!

Голема благодарност до сите ученици и наставници за нивната посветеност, креативност и вложениот труд во реализацијата на оваа прекрасна активност.

ООУ „22 Ноември“ – учиме за светот, донесувајќи го светот во нашето училиште.