Trajnim “Dosja profesionale e mësimdhënësit”
Në ambientet e shkollës sonë u zhvillua një trajnim i shkurtër me temë “Dosja profesionale e mësimdhënësit”, i ndarë sipas cikleve i ulët dhe i lartë. Trajnimi u organizua me qëllim forcimin e kapaciteteve profesionale të mësimdhënësve dhe unifikimin e praktikave në përgatitjen dhe përditësimin e dosjes profesionale. Gjatë sesioneve u trajtuan elementët përbërës të dosjes profesionale, rëndësia e saj në zhvillimin profesional të mësimdhënësit, si dhe mënyrat praktike të dokumentimit të punës mësimore. Pritshmëritë e trajnimit u fokusuan në rritjen e cilësisë së planifikimit, reflektimit profesional dhe përmirësimin e performancës në procesin mësimor. Trajnimi u prit me interes nga mësimdhënësit dhe shërbeu si një mundësi e vlefshme për shkëmbim përvojash dhe qartësim të standardeve profesionale.
Postime të Ngjashme