Një ekip, një zemër, një qëllim
Në kuadër të aktiviteteve edukativo–rekreative, u realizua një aktivitet me nxënës me nevoja të veçanta në Qendra Rekreative Saraj, me qëllim promovimin e përfshirjes, bashkëpunimit dhe socializimit ndërmjet nxënësve.
Aktiviteti u zhvillua në një atmosferë të ngrohtë dhe miqësore, ku nxënësit morën pjesë në lojëra sportive, aktivitete rekreative dhe argëtuese, duke treguar bashkëpunim, respekt dhe mbështetje për njëri-tjetrin. Motoja “Një ekip, një zemër, një qëllim” u reflektua gjatë gjithë organizimit të aktivitetit, duke dëshmuar rëndësinë e unitetit dhe përkrahjes së ndërsjellë.
Në realizimin e këtij aktiviteti kontribut të veçantë dhanë asistentët arsimorë, aktivi i edukatës fizike dhe Shoqata Hasene, të cilët ndihmuan në organizim dhe në krijimin e një ambienti pozitiv dhe gjithëpërfshirës për nxënësit.
Në fund të aktivitetit, nxënësit u shpërblyen me dhurata simbolike, ndërsa u ndanë mirënjohje për asistentët arsimorë, aktivin e edukatës fizike dhe Shoqata Hasene për mbështetjen dhe kontributin e tyre në realizimin me sukses të këtij aktiviteti.
Aktiviteti përfundoi me emocione pozitive, buzëqeshje dhe kënaqësi nga të gjithë pjesëmarrësit, duke lënë mbresa të bukura dhe motivim për aktivitete të tjera në të ardhmen.
Postime të Ngjashme