Multikulturalizmi në arsim – 3
Aktivitet në kuadër të projektit “Multikulturalizmi në arsim” në SHFK “25 Maji”. Më 24 prill 2025, në ambientet e Shkollës Fillore “25 Maji” u organizua dhe u realizua me sukses një aktivitet i radhës në kuadër të projektit “Multikulturalizmi në arsim”. Ky aktivitet, që kishte në fokus promovimin e bashkëjetesës dhe respektit të ndërsjellë përmes sportit dhe aktiviteteve bashkëpunuese, përfshiu një numër të madh nxënësish të cilët demonstruan frymën e unitetit dhe mirëkuptimit. Ora, e ideuar dhe e zhvilluar nga profesori i edukatës fizike dhe shëndetësore, z. Florim Murtezani, solli një atmosferë dinamike dhe frymëzuese. Nëpërmjet aktiviteteve të përbashkëta, nxënësit patën mundësinë të përjetojnë momente të veçanta, duke forcuar shkathtësitë e punës në grup, ndjenjën e solidaritetit dhe respektin ndaj diversitetit kulturor. Aktiviteti u zhvillua nën koordinimin e m-r. Diturie Sejfedini, Salate Bekteshi dhe znj. Roza Janevska, të cilat me përkushtim udhëheqin zbatimin e projektit në shkollë.
Postime të Ngjashme