Intervistë me Mësimdhënësen e Biologjisë Salije Zimberi
Nxënësit e Klubit mediatik pranë sh.f.k. “25 Maji”-Hasanbeg, janë angazhuar këtë javë në një hulumtim mbi rëndësinë e ushqimit të shëndetshëm, duke intervistuar mësimdhënësen e biologjisë Salije Zimberi, e cila ndau me ne njohuritë e saj të thella mbi mënyrën se si ushqimi ndikon në shëndetin dhe mirëqenien tonë.
Gjatë intervistës, mësuesja theksoi se një dietë e pasur me fruta, perime dhe proteina është thelbësore për zhvillimin e trupit dhe mendjes, veçanërisht për nxënësit që ndodhen në fazën e rritjes. Ajo gjithashtu u fokusua në rëndësinë e shmangies së ushqimeve të procesuar dhe sheqernave të tepërta, të cilat mund të ndikojnë negativisht në energjinë dhe përqendrimin gjatë ditës.
Nxënësit e klubit mediatik shprehen të kënaqur me këtë eksperiencë dhe janë të motivuar për të vazhduar me hulumtime që promovojnë zakone, rregulla dhe këshilla për bashkëmoshatarët e tyre.
Ky hulumtim është pjesë e përpjekjeve tona për të rritur vetëdijësimin për rëndësinë e një stili jetese të shëndetshme dhe për të kontribuar në komunitetin shkollor me informacione të dobishme dhe të vlefshme.
Për më shumë informacione dhe këshilla, ndiqni faqen e Klubit mediatik në ueb-faqen e shkollës tone. Lexim të këndshëm.
Postime të Ngjashme