Women’s football campaign – promovimi i futbollit të femrave
Sot, në hapësirat e shkollës sonë, u realizua aktiviteti sportiv “Women’s Football Campaign”, me pjesëmarrjen e vajzave të grupmoshave të reja, me qëllim promovimin e futbollit të femrave dhe inkurajimin e vajzave për t’u përfshirë aktivisht në sport.
Përmes këtij aktiviteti u promovuan vlerat e bashkëpunimit, respektit, disiplinës, gjithëpërfshirjes dhe barazisë në sport, duke theksuar rëndësinë e krijimit të mundësive të barabarta për të gjitha vajzat që dëshirojnë të zhvillojnë talentin dhe aftësitë e tyre sportive.
Realizimi i këtij aktiviteti u mundësua nga FIFA dhe Federata e Futbollit të Maqedonisë së Veriut, në bashkëpunim me Komunën e Gazi Babës, të cilat kontribuojnë në promovimin dhe zhvillimin e futbollit të femrave, si dhe në fuqizimin e rolit të vajzave në sport.
Me këtë rast, shprehim mirënjohje të veçantë për Aktivin e Arsimit Fizik dhe Shëndetësor, për përkushtimin, angazhimin profesional dhe kontributin e dhënë në realizimin e këtij aktiviteti, si dhe për mbështetjen e vazhdueshme të edukimit fizik dhe zhvillimit të shëndetshëm të nxënëseve.
Falënderojmë të gjithë organizatorët dhe bashkëpunëtorët për mbështetjen dhe bashkëpunimin e tyre në realizimin e kësaj veprimtarie me rëndësi edukative dhe sportive.
Shkolla jonë mbetet e përkushtuar në promovimin e sportit, gjithëpërfshirjes dhe mundësive të barabarta për çdo nxënës.
Futbolli është për të gjithë! Vajzat në fushë, talenti pa kufij!
#WomensFootballCampaign #FutbolliIFemrave #SportiShkollor #BaraziNëSport #GaziBabë
Postime të Ngjashme