SHFK 22 NËNTORI

Të nderuar prindër dhe të dashur nxënës,

Vetëm një ditë para fillimit të vitit të ri shkollor, dëshirojmë t’Ju rikujtojmë se gjatë procesit mësimor, nxënësve nuk u lejohet të posedojnë dhe të përdorin telefona celularë dhe pajisje të tjera elektronike.

Kjo nuk është vendosur pa arsye. Sot telefoni celular është pjesë e përditshmërisë sonë, por në klasë prania e tij shpesh nënkupton më pak vëmendje, më pak përqendrim dhe vështirësi në ndjekjen e mësimit. Vetë zilja, njoftimi apo nevoja për të kontrolluar telefonin mund të ndërpresë vëmendjen e nxënësit, por edhe të pengojë rrjedhën e orës mësimore për të gjithë paralelen.

Kur telefonat celularë nuk janë të pranishëm në klasë, nxënësit kanë mundësi të përqendrohen më lehtë, të marrin pjesë aktivisht në mësim, të parashtrojnë pyetje, të komunikojnë dhe të bashkëpunojnë me bashkëmoshatarët e tyre, ndërsa mësimdhënësit mund ta realizojnë procesin mësimor pa pengesa.

Në këtë mënyrë krijojmë një mjedis ku ora mësimore i kushtohet asaj që është më e rëndësishme – mësimit, vëmendjes, komunikimit dhe zhvillimit të njohurive dhe aftësive.

Prandaj, Ju ftoj që së bashku ta respektojmë këtë rregull që nga dita e parë. Me mbështetjen e prindërve dhe qasjen e përgjegjshme të nxënësve, mund të krijojmë një shkollë ku koha e kaluar në orë të jetë vërtet kohë për mësim, shoqërim dhe përparim.

Ju falënderojmë për mirëkuptimin dhe bashkëpunimin.

Ta fillojmë vitin shkollor me vëmendje, respekt dhe dëshirë për dije.

#vazhdojmë
(mesazh nga prefekti i Komunës Gazi Babë Boban Stefkovski)